歐洲之旅第三站－－－－比利時，布魯塞爾 １９．１２．２００７ － ２２．１２．２００７ 布魯塞爾是比利時的首都，歐盟三個重要的機構當中，有兩個位於布魯塞爾(歐盟委員會、歐盟部長理事會)，另一個重要機構歐洲議會在布魯塞爾也有分處，所以布魯塞爾可以說是歐洲的首都。 另外北大西洋公約組織的總部也設在布魯塞爾。  
去到布魯塞爾既時候已經係夜晚十點，喺Ｒａｆ既提議之下就用薯條做我既晚餐。比利時薯條唔同普通Ｆｒｅｎｃｈ Ｆｒｉｅｄ，加上佢獨有ｓｐｉｃｙ既醬，呢餐真係好好味  
布魯塞爾博物館，雖然無入到去，不過佢因為喺Ｒａｆ屋企附近，所以日日都會經過。成班幼稚園細路仔著晒螢光的保護衫，不過唔知道佢地去邊．．．   
布魯塞爾市政府，由於去既日子接近聖誕節，成個市政府都掛滿左燈飾；除此之外，每逢到左夜晚成個市政府外都會播著音樂，而市政府大樓就會隨著音樂旋律而有燈飾的轉換。我喺呢一度足足睇左大半個鐘！！！ 
黎到布魯塞爾點可以唔睇原子塔，呢個超大模型喺布魯塞爾的郊區，佢上面既原子有ｄ係餐廳、有ｄ係展覽、有ｄ係觀光室．．．．．喺原子塔隔離就係布魯塞爾出名既ｍｉｎｉ ｅｕｒｏｐｅ，呢到係集合左歐盟成員國每個國家既一ｄ名勝或者出名既地標 
埃菲爾鐵塔同英國國會大廈擺埋一齊 
巴黎凱旋門 
西班牙既鬥牛場，無陽光照住既觀眾變晒雪人 
原來比薩斜塔都唔係好高ｊｅｒ 
布魯塞爾最出名的教堂，聖米歇爾大教堂 
教堂入面真係好靚，樓底又高，加上臨近聖誕節、教堂裡面擺放著好多由中小學生以聖誕節為主題既聖經故事模型，值得一睇 
呢個小便孩童係比利時其中一個最出名既旅遊地點之一，去比利時既人一定要黎影番張相。 關於雕像起源有許多流傳的說法。其中一個是1142年，哥德佛瑞德公爵（Duke Gottfried）領軍對抗外敵，就在軍隊落敗之際，公爵將自己的小兒子放在搖籃裡掛在樹下，用來激勵軍隊士氣，最後得以擊敗了敵軍，凱旋而歸。另外一個流行的故事大概是這個小孩(有人說叫「于連」)半夜起來尿尿，看到鄰居的房子伸出一條燃燒中的藥引（一說是遇到法軍正要以火藥炸城），小孩找不到水源撲滅，靈機一動用灑尿把引信熄滅解救受困的人，為了感念這個小童而在原地做個石雕像永遠保留，供後人憑弔。（ｃｏｐｉｅｄ ｆｒｏｍ ｗｉｋｉｐｅｄｉａ） 
Ｊａｎｎ，唔知你影呢幅相時醉左未呢？？  
去布魯塞爾呢幾日真係要唔該晒Ｒａｆ，除左可以瞓喺你屋企到之外，仲同我一齊玩左好多地方 
ｃｉｔｙ３個女仔，下次落ｐｕｂ記住搵埋我．．．．．唔係次次咁好彩截到順風車架．．．．．Ｊｅｓｓｉｃａ，你都係練好ｄ酒量再同我對   
去到比利時點可以唔參觀下啤酒廠，比利時既啤酒真係好好飲（好似有成二百幾種），不過可惜佢既啤酒外銷做得唔好．．．．．．唯有喺個度飲多ｄ啦 
漫畫喺比利時都好出名，喺其中一間漫畫店就可以見到唔同類型既漫畫，我覺得關於暴力既漫長喺比利時到特別畫得出色，下次有機會再去既時候一定要參觀漫畫博物館！！！ 
香港ｃａｆｅ就周街都係，估唔到比利時都係呢，不過唔同既地方係你喺香港既ｃａｆｅ會叫古靈精怪名既飲品（ｄ ｃａｆｅ話自己自創），而喺比利時就絕多數飲啤酒．．．．．阿Ｒａｆ同佢個朋友帶左我去一間布魯塞爾既ｃａｆｅ，裡面一路飲啤酒一路聽住Ｊｅｚｚ音樂，傾下計、吹下水，咁就一個下午．．．．．喺歐洲我最響往既就係呢種悠閒既生活步伐，有ｄ人認為去旅行當然要計劃周詳、爭取每分每秒去趕景點、去影相，成日問跟住去邊、之後去邊．．．．難得去旅行就應該好好擺脫喺香港咁緊張既生活態度，去感受一下唔同國家既生活節奏ｍａ．．．． 
比利時其中一隻地道啤酒 －－ Ｏｒｖａｌ，酒精含量９．５％ 唉，唔記得左影我最鍾意個隻Ｄｕｖａｌ，希望再有機會遇番佢啦 選民登記同事們，你地快ｄ練好ｄ酒量啦，我就黎番黎啦 ＾．＾ 
去完啤酒ｃａｆｅ無啦啦話去踩冰，技術奇低既我都唔知趴左幾多次街   
踩完冰就ｊｏｉｎ埋Ｒａｆ既朋友去食布魯塞爾出名既兔仔肉，之後就去ｐｕｂ同ｃａｆｅ繼續飲．．．．．． 成個聖誕ｔｒｉｐ我最鍾意既地方就係布魯塞爾，唔係因為佢特別多野睇（正如阿Ｊａｎｎ講，布魯塞爾同維也納都係ｆｒｉｅｎｄ，都係無野睇），而係果度悠閒舒息既感覺、作為歐洲首都獨特的一面、以及比利時人健談、親切的一面。 順帶講埋，比利時既朱古力真係好食好出名，唔怪之得Ｇｏｄｉｖａ咁好賣 積琦，因為你鍾意比利時，我本來諗住寄ｄ布魯塞爾ｃｈｏｃｏｌａｔｅ俾你，不過諗諗下寄到香港都溶鬼晒，所以我自己食埋佢ｌｕ．．．．下次再寄ｄ比利時野俾你啦 | 
